As votacións populares aos Premios Expocómic, que se outorgaron esta fin de semana no salón madrileño do mesmo nome, deixaron unha gañadora galega. A arousá Emma Ríos foi recoñecida como Mellor Debuxante Nacional polo seu traballo na serie Bella Muerte. A obra, publicada pola editora estadounidense Image con guión de Kelly Sue DeConnick, obtivera xa o premio á mellor obra internacional na edición 2014 de Expocómic e galardóns como o Premio Internacional de Manga. Precisamente a autora acaba de anunciar que a editorial vasca Astiberri publicará o segundo arco argumental desta serie, xa aparecido en Estados Unidos, e mais a historia breve I.D., na que Ríos corre tamén co guión e que fora publicada na revista Island.
