O segundo volume de Bella Muerte, a serie que a arousá Emma Ríos debuxa sobre guións de Kelly Sue DeConnick para Image verá en breve versión en castelán. A editora vasca Astiberri pon á venda o vindeiro 2 de decembro El oso, un volume de 150 páxinas a toda cor que continúa a historia de vinganza sobrenatural da primeira entrega, desta vez con ambientación nas trincheiras da I Guerra Mundial.
Pola súa banda, Xerais acaba de presentar o cuarto volume da serie Marcopola, a illa remeira. Jacobo Fernández convida en Avoa power a coñecer novos personaxes fantásticos. Nesta ocasión Marcopola, Libro e Dragoneta chegan á Costa das Patacas para axudar a Seara.
