Quiosco: Caderno de campo número 12

A Sociedade Antropolóxica Galega (SAGA) publicou na rede o número 12 do seu Caderno de campo, o boletín oficial da entidade no que se recollen crónicas da actividade desta asociación antropolóxica pero, ademais, publícanse artigos de temáticas relacionadas con antropoloxía, historia e disciplinas afíns. Desta volta, entre outros artigos, Lidia Mariño achega un artigo sobre unha inusual lenda que recolle o enfrontamento entre unha moura e un dragón, e Félix Castro Vicente explica o proxecto Scrinium Mira Librorum, que é a reedición facsimilar dos libros de ocultismo, maxia e procura de tesouros -coma o famoso Ciprianillo-, producidos no século XIX e principios do XX, e dos que dispoñen dunha importante colección particular. A publicación pódese consultar de balde na rede.