Voadora estrea videocreación dentro da programación do Centro Dramático Nacional

Unha cidade deserta, unha imaxe atípica de Santiago de Compostela, unha personaxe solitaria que se mimetiza con estruturas industriais, con cemento, natureza ou contedores. Durante os días 7 e 8 de maio, a compañía abordou a filmación, cos protocolos de seguridade establecidos polo goberno, o traballo de videodanza "Soy una humana", dirixida por Xosé Díaz, protagoniza Carmen Triñanes e na que Marta Pazos, a directora da compañía, pon voz a un tema musical composto por José Díaz. Trátase de parte da iniciativa #LaVentanaDeLaCreación, programada plo Centro Dramático Nacional "co obxecto de impulsar a creación de obras audiovisuais nacidas da experiencia do confinamento". Para Voadora, é unha reflexión "sobre a resiliencia e a capacidade do ser humano de adaptación ao medio".