Santiago de Compostela centraliza na súa Rede de Centros Socioculturais o programa de celebración As letras na casa. Desde este 13 de maio e ata o vindeiro domingo desenvolveranse cinco accións culturais en liña elaboradas especificamente para estas datas a través da canle de Youtube e do web da institución. Paula Carballeira foi a encargada de iniciar esta proposta, que continúa este dÃa 14 con Polo Correo do Vento e contará cada dÃa ás 20 horas cunha nova actuación.
Tamén en Ribeira levan o seu programa ao virtual. Contacontos de Raquel Queizás e Charo Pita, unha lectura colectiva dun poema de Carballo Calero e a interpretación do Himno Galego compoñen o programa para este 17 maio, que contará cun pase de mañá e outro de tarde.
A axencia Culturactiva integra pola súa banda varias actuacións previstas para esta data nun programa que desenvolve en colaboración cos concellos de Soutomaior, Vilalba e Vilariño de Conso. En concreto, ao longo da xornada achegará dúas sesións do espectáculo As nosas Letras, do Mago Teto e Puño, puñete de Baobab Teatro retransmitidas ao vivo e con cinco cámaras na realización. As transmisións desenvolveranse desde os auditorios dos concellos implicados e nas súas propias canles de Youtube.
Unha iniciativa innovadora para as Letras resulta o grande concerto que as bandas de Viveiro, Arca, Chapela e Vilatuxe preparan para este domingo 17. Un total de 170 intérpretes destas agrupacións interpretarán diferentes pezas co acompañamento de LucÃa Pérez, Najla Shami e Esperanza Mara para un Himno Galego que fechará o recital. A proposta poderá seguirse no canle de Youtube da Banda de Arca a partir das 19 horas.
