Arrinca a web do parque arqueolóxico Compostela Rupestre

O Parque Compostela Rupestre xa ten web. É o resultado dun proxecto conxunto levado a cabo polos concellos de Ames, Brión, Santiago, Teo e Val do Dubra para poñer en valor un numeroso conxunto de arte rupestre que, ata o momento, era moi pouco coñecido en relación ás famosas estacións de petróglifos nas Rías Baixas. No web xa se poden consultar dous roteiros (un por Teo e outro por Compostela) e coñecer os petróglifos máis destacados de cada municipio, ademais de bibliografía complementaria. O proxecto Compostela Rupestre foi financiado pola Deputación da Coruña dentro dun plan xeral de dinamización turística local, a través de mancomunidades e asociacións de concellos, ao redor do patrimonio.