A exposición "Galicia, un relato no mundo" pecha cunha "cifra record" de visitantes para o Museo Gaiás

A exposición "Galicia, un relato no mundo" clausurouse o pasado domingo 12 de abril, aínda que o acceso ás pezas non foi posible no último mes polo estado de alarma decretado polo Goberno. Porén, a Cidade da Cultura comunicou hoxe que a exposición, durante os meses que estivo aberta, recibiu 43.053 visitantes, o que supón unha media diaria de 426 persoas e unha "cifra recordo no rexistro do Museo Centro Gaiás". Para conmemorar o peche da que foi a primeira gran exposición do Xacobeo 2021, o Museo Gaiás publicou hoxe a mañá unha visita virtual que permite percorrer toda a mostra, accedendo a numerosa información adicional multimedia. Ademais, a Cidade da Cultura dispoñibilizou o catálogo da exposición, con numerosos artigos de diferentes especialistas, para a súa lectura gratuíta en liña.