Visitantes na exposición. Foto: Miguel Souto / Cidade da Cultura
A exposición "Galicia, un relato no mundo", que explora as relacións entre Galicia e o seu contorno internacional desde a Prehistoria ata os nosos días, abriu hoxe as súas portas ao público xeral. Tras a multitudinaria inauguración do Gaiás onte, a mostra abre desde hoxe co horario habitual do Museo Gaiás. Os visitantes poderán ver máis de trescentas pezas e percorrer a historia internacional de Galicia a través de diferentes interactivos e sistemas de realidade virtual.
