A exposición 'Pensar coas mans' amosa a evolución da artesanía galega

O Museo Gaiás inaugurou hoxe a exposición "Pensar coas mans. Cestería, cerámica e xoiería de Galicia". A mostra recolle, a través de 250 pezas, a evolución no tempo da artesanía de Galicia desde a actualidade ata as orixes. Cestería, cerámica e xoiería xúntanse nun proxecto "que permite contemplar a evolución e pervivencia da tradición" desde a prehistoria ata hoxe en día. A mostra está comisariada por Verónica Santos e a disposición expositiva é da arquitecta Izaskun Chinchilla. Na exposición haberá tamén obradoiros, charla e demostracións artesanais. Poderase ver no Museo Gaiás da Cidade da Cultura ata o 8 de setembro.