Hércules Edicións presenta De Carballo Calero a Carvalho Calero

De Carballo Calero a Carvalho Calero. Biografía, escolma de textos, guías de lectura, actividades e xogos é a proposta que fai Hércules Edicións polo Día das Letras Galegas que se lle dedica ao autor. Charo Baleirón, Marta Domínguez e Belén Rodríguez Suárez asinan este volume didáctico no que se recollen "unha breve biografía e unha cronobiografía, unha escolma de textos acompañada dunha guía de lectura que axuden á súa mellor comprensión, un `Paso a palabra´ e o xogo-escapada `A caixa de Don Ricardo´, que nos levará a percorrer Ferrol descifrando enigmas ata conseguirmos abrir esa misteriosa caixa".