Ricardo Carvalho Calero. Unha vida pola Galiza e o galego é o título da biografía sobre o homenaxeado no Día das Letras 2020 que acaba de chegar ás librarías. Paulo Fernández Mirás asina esta obra, publicada na colección de biografías de Ir Indo e que explora a vida do galeguista "tanto a nivel de experiencias vitais como de obras publicadas", segundo sinala o autor, nun cento de páxinas pensadas principalmente para alumnado de Bacharelato. Textos e documentos do autor e sobre el revelan un percurso vital no que Fernández Mirás salienta o papel de Carballo na normativización da lingua. Como descuberta, o autor destaca que nas súas investigacións, o homenaxeado "contrariamente ao que dicían algúns estudosos, si fixo parte do equipo que traballou nas normas do galego do Seminario de Estudos Galegos".
