Ponteareas acolle as I Xornadas sobre Patrimonio do Condado ata o 6 de marzo

O Museo Municipal de Ponteareas é sede, deste este 2 de marzo e ata o vindeiro día 6, das I Xornadas sobre Patrimonio do Condado. Este encontro, organizado por este Concello e mais a Universidade de Vigo, reúne unha ducia de especialistas en campos como a arqueoloxía, a etnografía, a arte e a historia para abordar diferentes tipos de patrimonio da comarca. Petróglifos, castros, arte medieval, toponimia ou o traballo das asociacións culturais da zona sobre este ámbito son algúns dos eixes do encontro.

As actividades, de balde, contan co investigador Xosé Lois Vilar; Marta Cendón e María Luisa Castro da Universidade de Santiago de Compostela; o arqueólogo da Deputación de Pontevedra Rafael Rodríguez; Juan Manuel Buján, Ministro Provincial dos Franciscanos; Carlos Andrés González Paz do Instituto de Estudios Gallegos Padre Sarmiento; Clodio González Pérez do Museo do Pobo Galego e da Real Academia Galega; José Manuel Hidalgo Cuñarro do Instituto Histórico e Xeográfico de Santa Catarina Brasil; Rafael Sánchez Bargiela do Instituto de Estudos Tudenses ou o arqueólogo Alberte Reboreda. Para alén de conferencias e mesas redondas, o programa recolle visitas guiadas ao Castro de Troña e aos petróglifos de Gargamala