Compostela acollerá unha xornada sobre novas tecnoloxías e arqueoloxía

A aplicación das novas tecnoloxías ao campo da arqueoloxía, especialmente no eido da divulgación, será o eixe da xornada que se celebra o vindeiro 14 de maio en Compostela. A sede do Centro Superior de Investigacións Científicas acolle este encontro, no que intervirán especialistas como Alfredo Grande, da Sociedade Española de Arqueoloxía Virtual, ou Jordi Pardo, da Fundación Barcelona Media. O encontro está organizado pola Comisión de Arqueoloxía do Grupo Cidades de Patrimonio da Humanidade de España.