Actividade cultural intensa aos dous lados da raia para a semana da converxencia cultural entre Galicia e Portugal

A VI Semana Cultural de Convergências Portugal-Galiza homenaxeará a Rosalía de Castro do 23 de febreiro ao 1 de marzo cun amplo programa de actividades culturais que se desenvolverán en Santiago, Padrón, Ponteareas e Braga. A iniciativa, na que colaboran a Xunta de Galicia, desde o Centro de Estudos Galegos da Universidade do Minho, a formación bracarense Canto D'Aqui, os concellos de Santiago, Padrón e Ponteareas e a Fundación Rosalía de Castro, enmárcase nas accións de desenvolvemento da Lei 1/2014 para o aproveitamento da lingua portuguesa e vínculos coa lusofonía.

O programa, que se estende ao longo dun mes a pesares de estar as principais iniciativas concentradas nesa semana que dá nome ao evento, comprenderá a celebración de concertos, ciclos de cine, coloquios, teatro e presentacións literarias. A programación ca está activada desde o pasado día 8 en Braga, Capital europea da Cultura este ano 2020, onde dentro do marco de Convergências teñen lugar as actuacións de Amancio Prada e Uxía, o grupo de baile Tequexetéldere e a Escola Municipal de Artes Escénicas da Estrada. O venres 28, na Casa das Crechas se Santiago, terá lugar o concerto de Sérgio Mirra Trio. No Teatro Principal da capital galega o trío compartirá escenario co Grupo Poesis o sábado 29. O 1 de marzo será a Casa Museo de Rosalía a que acollerá o acto de peche do evento que reunirá tres actuacións musicais.