Alumnas e profesoras celebrando o nacemento de Concepción Arenal nesta acción performativa. Foto: USC
Para poder asistir ás aulas de Dereito na Universidade Central de Madrid, Concepción Arenal tivo que vestirse de home. Para conmemorar o feito, alumnas, profesoras e persoal de administración e servizos da Universidade de Santiago vestíronse onte con traxes masculinos do século XIX para rendir homenaxe a unha das pensadoras máis destacadas do século XIX. A actividade, que continúa hoxe na Facultade de Medicina, enmárcase nas actividades do ano Concepción Arenal que está a celebrar a Universidade de Santiago de Compostela en colaboración con outras entidades.
