A Consellería de Cultura abriu hoxe o prazo para o envío de proxectos de dinamización lingüística destinados aos centros de ensino públicos e non universitarios de Galicia e aos seus equipos de normalización. Os equipos deberán presentar proxectos de fomento da lingua galega. A contía global das axudas é de 350.000 euros e o prazo de entrega será dun mes a partir de mañá, venres 31 de xaneiro.
