Os equipos de normalización denuncian parálise nas axudas ao ensino

Logo de comezado o curso, aínda non se publicou a habitual convocatoria de axudas para Proxectos de Fomento do Uso do Galego nos centros de ensino. A Coordinadora de Equipos de Normalización e Dinamización Lingüística denuncia hoxe que esta parálise "imposibilita a organización de actividades encamiñadas a poñer en valor a lingua galega entre a comunidade educativa así como, especialmente, a desenvolver as capacidades lingüísticas do alumnado". O colectivo anuncia a súa intención de enviarlle cartas ao Conselleiro de Educación para que axilice esta convocatoria.