A exposición Deconstruír o franquismo amosa en Compostela as presenzas e ausencias da ditadura

A Alameda de Santiago de Compostela acolle un contedor que dentro garda memorias. A exposición "Deconstruír o franquismo", promovida polo grupo Histagra da USC, quere ser "un espazo de reflexión sobre a simboloxía da ditadura". A mostra, que será itinerante, inclúe fotografías de espazos e simboloxía franquista "que perduran ou foron esquecidos pola cidadanía de Santiago" así como unha "cartografía interactiva" cos lugares de morte e enterramento en Galicia durante a guerra. A mostra preséntase en cinco etapas que retratan estas permanencias, esquecementos, amnesias, expropiacións e veladuras.