O sitio web degalicia.es, especializado en panorámicas fotográficas en 360º, presentou unha espectacular versión interactiva da mostra que o colectivo artístico Bacabú amosou nas salas do Museo Provincial de Lugo, no enderezo (http://degalicia.es/bacabu/percorrido.htm). A mostra interactiva, construída a partir de fotografías 360º de cada unha das salas, permite achegarse e ver en detalle cada unha das obras no contexto no que foron ubicadas dentro da mostra e consultar a ficha de cada unha delas. Paga a pena ver esta aplicación de exposición interactiva que podería ter múltiples aplicacións nos museos para documentar exposicións xa finalizadas.
