O proxecto Nomes e Voces elabora unha cartografía visual da represión franquista en Galicia

O proxecto "Nomes e Voces", creado na USC para "estudar a represión franquista durante a Guerra Civil e a ditadura" baixo a dirección de Lourenzo Fernández Prieto, deu un paso máis na visualización dos datos da represión franquista en Galicia. A través de mapas territoriais, o web do proxecto permite explorar as áreas máis afectadas pola represión legal e paralegal. Desde a procedencia dos condenados a morte ata as foxas de enterramento ou os "paseados", a información e a densidade de casos está representado sobre o territorio, podéndose apreciar os puntos neurálxicos da represión militar.