Un web achega todos os datos sobre a represión franquista en Ourense

A represión na provincia de Ourense é o título do web que presentaba onte a Deputación Provincial. O novo espazo achega á rede os resultados do proxecto de investigación homónimo desenvolvido polo Obradoiro de Historia de Galicia da Facultade de Xeografía e Historia de Ourense. Entre outros contidos, o web permite localizar polo seu nome as diferentes persoas que sufriron a represion franquista entre 1936 e 1945.