A represión franquista matou 3.588 persoas entre 1936 e 1939

O proxecto "As vítimas, os nomes, as voces e os lugares”, polo que as universidades galegas están a investigar a represión franquista en Galicia ten xa os seus primeiros resultados. Segundo o traballo realizado, 3.588 persoas, entre elas 77 mulleres morreron entre 1936 e 1939 por esta causa. Do total, 1.911 persoas foron asasinadas sen procesos xudiciais previos, e outros 845 pasaron por xulgamentos militares. A represión cebouse especialmente en líderes políticos e sindicais menores de 45 anos. Ao longo de 2008 e do vindeiro ano, o proxecto continuará analizando este período.