A represión franquista investigarase ata 1977

A recuperación da memoria histórica continuará ao longo de 2009. O Consello da Xunta aprobaba esta mañá o convenio polo que a Consellaría de Cultura destina 231.000 euros á cuarta fase do proxecto As vítimas, os nomes, as voces e os lugares. Desta volta, a investigación sobre a represión franquista centrarase no período que vai desde 1940 ata 1977, aproveitando tanto fontes bibliográficas coma orais. Ademais, o proxecto complétase co establecemento de liñas de colaboración con outras iniciativas semellantes e coa difusión dos datos compilados.