Hai dous anos as tres universidades galegas e a consellaría de Cultura puxeron en marcha o proxecto “As vítimas, os nomes, as voces, os lugares”. Un traballo de investigación que pretendía estudar a represión franquista en Galicia entre 1936-39. O proceso deste traballo xerou un material que a consellaría de Cultura pretende gardar no futuro Arquivo da Memoria. O director xeral de Creación e Difusión Cultural, Luís Bará, destacou que o proxecto de investigación terá continuidade proximamente co interese de abordar o estudo da represión a partir do ano 1939.
