Un certame que pretende "promover a visibilidade do mundo rural galego e reflexionar sobre as súas problemáticas, posibilidades e retos presentes e futuros a través da creación literaria". Esta é a proposta que acaba de presentar o Concello de San Xoán de Río (Ourense) ao convocar o I Premio de Novela da Galicia Rural.
O galardón, que conta co apoio da Secretaría Xeral de Política Lingüística e a colaboración da editorial Galaxia, está aberto a obras inéditas "que sitúen a súa trama na Galicia rural ou que concedan a esta un protagonismo relevante", cunha extensión mínima de cen páxinas e redactadas na normativa ILG/RAG.
A persoa gañadora recibirá mil euros en metálico e poderá ver a súa obra publicada en Galaxia. As novelas poden remitirse a concurso ata o vindeiro 30 de xuño.
A persoa gañadora recibirá mil euros en metálico e poderá ver a súa obra publicada en Galaxia. As novelas poden remitirse a concurso ata o vindeiro 30 de xuño.
