O rianxeiro Óscar Reboiras fíxose co II Premio de Novela da Galicia Rural, que convoca o concello de San Xoán de Río co apoio da Secretaría Xeral de Política Lingüística e o apoio da Editorial Galaxia co obxectivo de "promover a visibilidade do mundo rural galego e reflexionar sobre as súas problemáticas, posibilidades e retos". A novela gañadora titúlase A agonía das folerpas e foi concedido por unanimidade polo xurado. O premio ten unha contía de 2000 euros.
