A conmemorar o nacemento, hai agora 60 anos, da colección Illa Nova, a editorial Galaxia acaba de crear o Premio de Premio Illa Nova de Narrativa. Ao igual que aquela colección, a nova iniciativa está destinada a creadores novos, en concreto a menores de 35 anos, para "dar voz á xeración máis nova co obxectivo de estimular a creación" e "abrir un camiño a quen está comezando no mundo da creación literaria". Pódense presentar ao novo certame novelas e conxuntos de relatos cunha extensión mínima de 100 páxinas, que optarán a un premio de 3.000 euros e á publicación do traballo gañador na colección Literaria de Galaxia. O prazo de presentación está aberto ata o vindeiro 31 de marzo.
