A Escola Galega de Teatro Musical, produce o seu primeiro traballo profesional, O Candil, un musical galego. A compañía creada ao abeiro desta escola estreará este espectáculo o vindeiro 24 de xaneiro no Fórum Metropolitano da Coruña ás 21.00 horas. Baseado nas historias do cancioneiro galego, este musical pretende lembrar a figura da muller galega de principios do XIX. Rosa Puga Davila dirixe e Sara Fandiño, Lucía Sá, Iria Lamas e Lucas López protagonizan esta produción ambientada en 1918 que usa de temas musicais populares de comezo do século XX para levar a escena unha comedia musical interactiva, sobre tres mulleres moi distintas, que buscan o propio ser ante un momento de confusión e cambio da mentalidade global. No contexto posterior á primeira Guerra Mundial A Coruña, pasa a ser un dos núcleos políticos, artísticos e sociais que máis brillan, nela Carmen, peixeira no porto da cidade, coase nun teatro de variedades e alí comeza unha relación insospeitada co mundo artístico que lle cambia as perspectivas.
