A Secretaría Xeral de Política Lingüística presentou onte o certame Lingua rodada, co obxectivo de que os rapaces dos centros escolares galegos, de entre 12 e 17 anos, poidan "plasmar a esencia da nosa terra" a través das tradicións, lenda, historia ou natureza, entre outros. Os tres centros finalistas recibirán un curso de formación audiovisual e poderán rodar a súa curta cun equipo de profesionais do audiovisual durante dous días de convivencia no rural. As curtas estrearanse no Festival de Cans deste ano.
