Pilar Pallarés antologa a poesía do seu mestre Carballo Calero en Beleza, verdade

Non é a primeira vez que Pilar Pallarés realiza unha antoloxía da obra poética de Ricardo Carballo Calero. A que foi alumna universitaria do ferrolán xa editara en 1992 a antoloxía Fillo de Eva (88 poemas de Ricardo Carballo Calero) na Colección Esquío. Agora, Pallarés retoma o proceso de seleccionar unha escolma poética (que inclúe outros materiais) en Beleza, verdade, editado por Chan da Pólvora, acompañándoo dunha achega biográfica ao autor.