Presentan o Consello Asesor do Museo de Pontevedra

Onte presentouse o Consello Asesor do Museo de Pontevedra, un novo órgano de apoio á dirección que ten por obxectivo achegar ideas desde diferentes ópticas para mellorar o funcionamento da histórica entidade. Os sete membros son a directora de Mestrado Universitario en Deseño e Dirección Creativa en Moda, Lola Dopico, a arquitecta Teresa Táboas; o pedagogo Xaime Toxo, a arqueóloga Beatriz Comendador; o crítico de arte Ramón Rozas; o empresario fundador de Esmerarte Joaquín Martínez, Kin e a artista Menchu Lamas. O Consello Asesor reunirase dúas veces por semestre e, segundo declarou o vicepresidente da Deputación, César Mosquera, o seu primeiro obxectivo é pensar ao redor dos novos edificios do Museo, a rehabilitación dos edificios antigos ou a xestión. Segundo Xosé Manuel Rey, director do museo, os consellos asesores permiten "superar unha dirección de carácter excesivamente personalista" e se consideran unha "boa práctica" entre os xestores de museos.