A Mostra de Teatro Infantil de Ourense, MOTI, iniciará este venres 20 a súa 16ª edición cun programa no que haberá 16 representacións. Ata o 30 de decembro catorce compañías levarán os seus espectáculos a escenarios e prazas da cidade. O campus, o Auditorio Municipal e o Teatro Principal, acollerán a maioría das representacións do programa que tamén sairán ás rúas e prazas. A meirande parte das compañías son galegas pero tamén participan outras de Andalucía, Euskadi e Asturias.
