O teatro infantil reúnese en Ourense

A cidade acolle a XI MOTI a partir do 21 de decembro

O vindeiro 21 de decembro bota a andar en Ourense a XI Mostra de Teatro Infantil (MOTI). En total serán 16 compañías e 21 representacións teatrais dirixidas aos máis novos, que se concentrarán especialmente entre os días 26 e 30 deste mes. Compañías galegas como Caramuxo Teatro, MD Trío & Friends, Trécola, Tanxarina, Xoán Curiel ou Cê Orquestra Pantasma amosarán o seu traballo. Canda a eles, estarán presentes no encontro grupos chegados de Arxentina, Cataluña, Euskadi ou a Comunidade Valenciana, a completar un programa que inclúe concertos, danza, circo ou títeres ademais de teatro de rúa e funcións escolares