O Festival Internacional de Documentais de Amsterdam (IDFA) recoñecía esta semana o filme A media voz, da produtora pontevedresa Matriuska, co premio da súa sección oficial. O galardón ao mellor documental, dotado con 20.000 euros, foi para esta historia de dúas cineastas cubanas, Heidi Hassan e Patricia Pérez Fernández, que viven entre Galicia e Suíza. O documental foi considerado "unha refrescante reflexión sobre a madurez feminina, unha oda á perda, unha celebración da amizade, o desexo e a vulnerabilidade: unha demanda de esperanza e paixón; e un deliciosamente honesto diálogo cinematográfico confirman este máxico, orixinal e arriscado esforzo cinematográfico".
O filme, unha coprodución con Cuba, Francia e Suíza, estrouse neste festival e aborda a problemática destas dúas mulleres a se desenvolver nunha contorna allea e se enfrontan aos problemas da madurez.
