Costa da Morte, o documental experimental realizado por Lois Patiño, foi escollido como mellor filme iberoamericano no 32º Festival Cinematográfico Internacional do Uruguai, canda outro premio á mellor cinta do mesmo ámbito polo xurado do festival. Estes dous galardóns súmanse a unha ampla lista de premios recibidos polo traballo de Patiño nos últimos meses.
