O artigo En manos de Dios publicado o 11 de maio de 2018 en La Voz de Galicia valeulle a Cristina Sánchez-Andrade facerse co XL Premio Afundación de Xornalismo Julio Camba. O xurado seleccionou o traballo da autora entre 114 propostas e outorgoulle este galardón dotado con 6.000 euros en metálico. Canda a ela, foron finalistas no certame Marta García Aller por Cóntao, publicado en El Independente, e Manuel de Lorenzo por De repente, un runner, publicado en El Progreso.
O xurado do premio, que Afundación organiza en colaboración co Ámbito Cultural El Corte Inglés, estivo formado por Alfredo Conde, Elvira Lindo; o director de Ámbito Cultural El Corte Inglés, Gervasio Pousadas; o director de Comunicación e Relacións Institucionais de Abanca, Isaac González Toribio, e o historiador, Carlos Valle.
