Luís Davila, Ángel de la Calle e Pablo Velarde son os autores que encabezan o cartel das II Xornadas de Banda Deseñada do Liceo de Noia V de Viñetas. Canda a eles, Anémona del Río e José Malvárez asistirán a este encontro, que se desenvolve entre o 15 e o 17 de novembro. O programa inclúe obradoiros, conferencias e sesións de sinaturas a cargo dos convidados, ademais dunha charla sobre o proceso de tradución dun manga. No ámbito das exposicións, poderán verse monográficos dos tres autores ademais dunha mostra sobre Dragon Ball e outra colectiva do traballo publicado na revista A viñeta de Schrödinger.
