Abel Alves, Aldara Prado, Nacho Fernández e Alicia Jaraba visitarán Noia os vindeiros 30 de novembro 1 de decembro. As xornadas V de Viñetas, que organiza a Sociedade Liceo chegan á súa sétima edición con novos obradoiros, encontros con autoras e autores e exposicións.
As xornadas darán inicio na mañá do sábado 29 cun obradoiro de deseño de cromos e outro de creación de BDs da man de Nacho Fernández. Abel Albes protagoniza o primeiro encontro, xa na tarde, ao que seguirá a presentación de Nimue, obra debut de Aldara Prado. Un encontro do público con Nacho Fernández dará paso á sinatura de exemplares dos nomes que participan da iniciativa.
Para domingo, Victor L. Pinel amosará o proceso de traballo da súa BD Piezas ao que segirá a presención de Lejos, último traballo de Alicia Jaraba. De novos as sinaturas de exemplares será a actividade que feche a sesión.
Canda a estes autores e autoras, participarán das actividades outros nomes da BD galega como ENE e Alba Chan. Nas exposicións destaca unha retrospectiva de Carlos Pacheco, un dos debuxantes españois máis recoñecidos en Estados Unidos ata o seu falecemento en 2022. Unha mostra de BD retro e outras monográficas sobre as autoras e autores presentes no evento completan o apartado expositivo do mesmo.
