Coñécense os convidados a Viñetas desde o Atlántico

A un mes de que abra as súas portas, o web de Viñetas desde o Atlántico adiántanos os nomes dos autores convidados a este evento. Frank Quitely, R.M. Guéra, Rubén Pellejero, Bartolomé Seguí, Homs e o galego José Domingo son os nomes que destacan no cartel desta edición. Canda aos seus traballos, poderán verse mostras colectivas como a dedicada a Batman, que repasa o personaxe a través de diversos autores clásicos. Dragon Ball e mais as Illas na banda deseñada son outras das mostras previstas. Viñetas deste o Atlántico celebrarase entre o 6 e o 12 de agosto na Coruña.