O concello de Santiago aproba a creación dun centro de patrimonio fotográfico

O concello de Santiago aprobou onte en pleno unha iniciativa do BNG para a creación dun Centro de Fotografía de Santiago, vinculado á divulgación do patrimonio fotográfico dunha cidade que desde o século XIX contou con abundantes estudos fotográficos. Aínda que non se coñecen moitos detalles do proxecto, desde o grupo municipal do BN sinalaron que facilitaría a creación de "espazos museísticos diferenciados" e melloraría a desestacionalización turística.