A Deputación da Coruña outorgoulle este 16 de outubro o premio Fotógrafo Histórico ao Arquivo Vidal de Laxe. O galardón, que por vez primeira se lle outorga a unha institución, recoñece "unhas coleccións que supoñen un legado histórico e que nos mostran como eran as nosas costumes e as nosas xentes noutros tempos" segundo explica a entidade provincial. A entidade destacou que este legado, que se conserva no Museo do Mar de Laxe e foi declarado recentemente Ben de Interese Cultural, "é un exemplo a imitar" desde outros concellos. O arquivo mantén preto de 67.000 imaxes tiradas desde finais do século XIX polos fotógrafos José MarÃa e o seu pai Plácido Vidal.
