A Rede do Patrimonio Cultural reclama máis presenza da herdanza moble e inmoble nos medios públicos

A Rede do Patrimonio Cultural iniciou esta semana a súa primeira campaña, apostando pola visibilización do patrimonio cultural. A través da etiqueta #quesevexaopatrimonio, un conxunto de asociacións vinculadas á rede están a difundir bens culturais na rede e reclamando que a Televisión de Galicia conte con programas específicos de difusión "do patrimonio artístico, histórico, arquitectónico, arqueolóxico, paleontolóxico, etnolóxico, antropolóxico, industrial, científico e técnico, documental, bibliográfico ou mesmo inmaterial". Para iso, solicitan tamén unha entrevista co presidente da Compañía de Radio Televisión de Galicia a fin de transmitir as súas demanadas.