As Lúas de Outono homenaxean a Nova Canción Galega

Desde hai once anos, o Teatro Colón da Coruña leva acollendo o evento Lúas de Outono, en homenaxe a Manuel María. O mércores 25 de setembro ás 20:30 horas celebrarase a undécima edición, desta volta conectada coa celebración dos 50 anos do concerto de presentación da Nova Canción Galega, que Manuel María presentara no Teatro Capitol de Santiago. Desta volta, o Lúas de Outono estará presentado por Xurxo Souto e contará con voces de xeracións diferentes: Miro Casabella, Uxía e o grupo Molime. A entrada é libre.