A Asociación Galega de Profesionais da Ilustración (AGPI) celebrará os vindeiros 27 e 28 de setembro a décimo sexta edición do Encontro Galego de Ilustración en Compostela. No programa, haberá encontros co recoñecido ilustrador e deseñador Javirroyo, que tamén impartirá un obradoiro sobre realización de mapas ilustrados, de Inês Silva, directora da prestixiosa axencia Illustopia, e do ilustrador Jon Juárez (Harrihorrihar). Canda a isto, Neves RodrÃguez moderará unha mesa redonda coas ilustradoras portuguesas Marta Madureira e Cátia Vidinhas.
A iniciativa inclúe tamén un panel de experiencias e unha sesión de revisión de portafolios e unha Sesión DJ Ilustrada, co DJ Pablo Electrocute que estará acompañado da proxección de debuxo ao vivo a cargo de varios ilustradores. As actividades, de balde agás o obradoiro, están abertas ao público xeral.
