O Salón de Actos da Fundación Caixa Galicia, en Compostela, acolle o vindeiro sábado a xornada anual da Asociación Galega de Profesionais da Ilustración (AGPI). O encontro contará coa presenza, entre outros, do recoñecido autor de BD Horacio Altuna e rematará cunha homenaxe a Siro, histórico do humor gráfico galego. Ao tempo, aproveitarase a xornada para analizar diferentes cuestións legais e profesionais do mundo da ilustración e a AGPI celebrará a súa asemblea estatal. O día anterior, venres, celebrarase no marco deste mesmo evento unha sesión de traballo da directiva da Federación de Asociacións de Ilustradores Profesionais.
Máis información no web da AGPI
