Cartel do VIII Encontro Galego de Ilustración
Os novos tempos da profesión, o traballo a dous e a problemática da dos ilustradores ante os medios dixitais son os eixes que marcan o VIII Encontro Galego de Ilustración. A cita anual da Asociación Galega de Profesionais da Ilustración (AGPI) contará coa presenza de Gemma Cortabitarte para falar sobre a actualidade da profesión, mentres Xabier P. DoCampo e Xosé Cobas explicarán o proceso de colaboración entre escritor e debuxante. Para analizar a perspectiva da ilustración ante os medios dixitais, a AGPI contará co Manuel Gago, director de Culturagalega.org, e Manuel Bragado, presidente da Asociación Galega de Editores.
