O humor gráfico será o eixe do X Encontro Galego de Ilustración

Armados de humor é o lema co que se celebra en Compostela o vindeiro sábado 26 de outubro o X Encontro Galego de Ilustración. A xuntanza anual da Asociación Galega de Profesionais da Ilustración (AGPI) céntrase no humor gráfico e inclúe actividades abertas ao público, entre elas unha charla do recoñecido debuxante Manel Fontdevila e unha mesa redonda con Xaquín Marín, Luís Davila e Santy Gutiérrez. Unha homenaxe ao histórico ilustrador Suso Cubeiro, unha festa e a xa tradicional fotografía dos asistentes fan parte tmaén do programa do evento.