O FETEGA do Carballiño outorga o seu premio de honra a Miguel de Lira

A achega "imprescindible' do actor Miguel de Lira ao teatro galego fíxoo merecente do premio de honra da 30ª edición do Festival de Teatro Galego (Fetega), que se celebra ata o 6 de setembro no Carballiño. O premio será entregado o venres 6 no transcurso da gala dos premios de Fetega "Dorotea Bárcena". Durante unha rolda de prensa, a directora do evento, Josi Lage, anunciou a súa retirada da dirección do evento e sinalou o "compromiso total" de que o festival siga a celebrarse no Carballiño en vindeiras edicións, xa coa nova dirección.