A Área de Cultura da Deputación da Coruña daba a coñecer onte a resolución de dúas das súas liñas de subvencións, que suman preto de 1,3 millóns de euros. A liña de apoio a concellos para a contratación de persoal técnico municipal para a xestión cultural foi a adxudicación cunha maior contía, a sumar 722.739 euros. A esta súmase outra o programa de subvencións a concellos e entidades locais para contratar persoal técnico para a atención a museos e centros de interpretación, dotado con 384.728. No primeiro destes apartados, os máis beneficiados, con 15.000 euros cada un foron os concellos de Betanzos, Brión, Cabana de Bergantiños, Cambre, Carnota, Lousame, Malpica, Ordes, a mancomunidade de concellos desta comarca, Ponteceso, Porto do Son, Ribeira, Rois, San Sadurniño, Teo, Tordoia, Vedra e Vilasantar.
En paralelo, o Boletín Oficial da Provincia daba a coñecer o resultado da convocatoria para investimentos culturais destinado a entidades sen fin de lucro, na que se repartiron 258.021 euros. A Asociación para a Defensa Ecolóxica de Galicia, que obtivo 11.359 euros para investir no proxecto Cerna de comunicación, foi a que conseguiu a maior contía. A Agrupación Instrutiva Caamouco de Ares, con 8.949 euros, o Centro Recreativo de Artes, con 7.909 ou a Asociación Cívico Cultural Terra de Outes, con 6.284, foron as outras entidades que conseguiron maiores apoios.
En paralelo, o Boletín Oficial da Provincia daba a coñecer o resultado da convocatoria para investimentos culturais destinado a entidades sen fin de lucro, na que se repartiron 258.021 euros. A Asociación para a Defensa Ecolóxica de Galicia, que obtivo 11.359 euros para investir no proxecto Cerna de comunicación, foi a que conseguiu a maior contía. A Agrupación Instrutiva Caamouco de Ares, con 8.949 euros, o Centro Recreativo de Artes, con 7.909 ou a Asociación Cívico Cultural Terra de Outes, con 6.284, foron as outras entidades que conseguiron maiores apoios.