A primeira xeira do Premio Laudamuco de Textos Teatrais, que convocan o Concello de Brión, a Academia Galega de Teatro e Edicións Positivas ten xa gañador. O texto
Na miña alma ouvea un lobo, da autorÃa de Xavier Lama, foi seleccionado polo xurado mercé á "capacidade do autor para explorar, con notable eficacia dramática e a través de sucesos e personaxes tomados da realidade, zonas escuras de funcionamento dos estados modernos, sen impoñerlle ao lector puntos de vista únicos". Lama obtén un premio en metálico de 7.000 euros e verá a súa obra publicada por Edicións Positivas. A entrega do premio realizarase en Brión o vindeiro 16 de maio, a coincidir co aniversario da primeira función profesional do teatro galego, precisamente da obra
Laudamuco, señor de ningures.
